AUDI VW 零件原產地有無得你揀？

AUDI VW 零件原產地有無得你揀？

今次想講吓 AUDI VW 原廠零件原產地嘅問題，我想大部份人直覺都係：德國車 -> 零件都一定都係德國製啦，呢個似乎係理所當然嘅想法。

而呢個想法或多或少會影響到車主去配零件時會問嘅問題，1. 價錢，2. 有無貨，之後就會問『3. 件零件邊度做？德國？』

一定唔要淘寶件，唔要大陸做，有啲就話一定要係德國造先買等等..

其實唔要淘寶零件或者一汽大眾零件就相對簡單，只要搵一間信譽好嘅零件鋪同識得分一汽大眾包裝就可以。 只不過一定要德國造先買的話，相信有一部份零件都唔會係地球上搵到 (絕對係火星任務)，原因要睇埋落去先明白。

AUDI VW 車款設計、引擎設計同核心零件當然係德國製，但係其他零件例如車主常常接觸到嘅消耗品：風隔，油隔，火咀或者係車身零件好似側鏡同擋風玻璃等，其實都可以好肯定話你知個產地唔一定係德國 (唔信嘅話可以打開頭冚或者拆 1-2 件零件研究吓)，新車出廠時零件一開始已經由歐洲國家生產，可能是奧地利或波蘭等。

『奧地利製』的原廠偈油隔

『波蘭製』的原廠引擎風隔

其實道理就同 iPhone 一樣，加州設計，而晶片、屏幕、鏡頭同記憶體等會由台灣、韓國、日本等其他地方既頂尖生產商供應。

相比之下，一部車零件數量比手機更為龐大得多，要所有零件都由一個國家『德國』開發、生產並提供，當中還要考慮成本、研發速度等等因素，基本上並無可能。

言歸正傳，AUDI VW 零件其實由好多唔同嘅生產商代為生產，出名嘅有 ATE、Bosch、FAG、LEMFÖRDER、MANN、VDO、Valeo 等等..，佢哋嘅廠房分佈喺歐洲好多唔同地方，當然有大部份由德國生產，不過亦有不少部份係歐洲 2-3 線國家生產，例如奧地利，斯洛伐克，匈牙利，捷克，西班牙，意大利，羅馬尼亞，波蘭等，偶然亦會遇到少量零件由生產商嘅日本同中國廠房生產。

『日本製』的原廠火咀

『中國製』的原廠燃油隔

要留意一點就算早期的零件由德國生產，由於成本控制或是生產速度的種種原因，不同批次的零件亦有可能轉到其他國家生產。

無論供應商或是分銷商大家都用同一個共通號碼 (原廠 Part No.) 去採購，生產地並不在採購的控制範圍之內。

所以，一心想著要德國製零件先買，不切實際的想法，不如盡早放棄吧！

28CarParts 集合汽車零件知識、Facebook 廣告、Google 廣告及平面設計的網上宣傳平台
一次過做哂網購、曝光、宣傳、收款、發貨、門市交收，邊到搵到？