<新手必讀> 邊種入油折扣最實際？

<新手必讀> 邊種入油折扣最實際？

🇭🇰 香港油價一直高企是不爭事實，入油本來已是車主其中一大開支 💸，近年更加有唔少車主兼職 🚙 Uber 或者加入 🛵 foodpanda、Deliveroo 等外送平台賺吓外快，對於呢一類車主或商用車車主而言，入油佔每月開支比重就更加高 🔝。 相信大家都知道香港無論貴油同平油，每一個油站定價都係一模一樣，所以油公司就各自推出優惠去吸引車主，今次就主要講吓即時折扣優惠，比起儲積分優惠更加直接。

即時折扣優惠最常見有以下幾種︰

1️⃣ 油公司會員卡，例如 Caltex「再賞咭」、Shell「Bonus 咭」或者 Esso「Smiles 卡」等
呢個優惠最啱新手車主，基本上去油站填好簡單資料就可即時出卡，第一次走去入油都可以享用優惠，但係折扣優惠相對較少，平常只有每公升油減 $0.9 左右，不過油公司會喺個別日子推出優惠，好似 Esso 就曾經 🗓️ 每逢星期三減 $2.5，而且每張會員卡都有儲積分計畫，只要儲到指定積分就可對換禮品，最實際當然就係對換汽油電子禮券啦。

2️⃣ 信用卡油券優惠 (配合油公司會員卡使用)
近幾年只要您擁有恆生、滙豐或者中銀信用卡 💳，其本上都一定收過呢一種油券，最初係入滿 $400 送 $50 加到現時 $400 送 $70 不等，每間油公司不同，而且優惠視乎平油或貴油而定。 而呢個優惠最大好處係連同油公司會員卡優惠一同使用，即是每公升油送 $0.9 再加上入滿 $400 送 $50 至 $70。

車主最感興趣係用完油券後，每公升減到幾多？同埋油券用哂之後，幾時會再收到 📩？

⛽ 特配 Techron® 黃金汽油 HKD 18.59，以贈送 🎫 $60 油券為例。

• - $400 可以入大約 21.5L 油
• - 每公升油送 ($0.9 * 21.5L) + 油券 $60 = $79.35
• - 實際支出 $400 就可以入等同 $479.35 面值嘅汽油
• - 所以，🧮 計算後每公升大約減 $3.0

一般而言，如果油公司同信用卡發卡銀行 🏦 持續推出油券優惠，銀行就會因應客戶 🧾 消費習慣去決定會唔會再寄出油券，最直接就係睇吓過往幾個月內顧客有冇到油站消費，從而估計顧客身份是否車主。 所以，如果想每期都收到油券，不坊試一試在油站使用曾合作的信用卡消費，增加收到新一批油券嘅機會。

3️⃣ 車隊卡優惠
要享有最高即時折扣，而且最方便就屬於呢一種，申請時已註明每公升實際折扣減幾多，無指定日子亦無需使用油券，可無限次 ♾️ 享用折扣。車隊卡優惠主要以月結或信用卡形式付款，入油時只要出示車隊卡，入完油無需付款連名都唔洗簽就可離開，折扣後實際收費會每月自動轉賬或經由信用卡入賬。

車隊卡每公升可以減幾多？

🤔 記得喺 2005 年，車隊卡折扣大概每公升減 $1.0 至 $1.2，但係當時 🏷️ 油價平均只係每公升 $12.98 至 $13.98 左右，但多年來油價一直反覆向上 📈，車隊卡折扣亦跟隨油價價格相應提高，折扣由 $1.2 -> $1.7 -> $2.0 -> $2.5 直至而家普遍都有 $2.8 或以上。 對於高用量及使用 🪵 柴油的商用車，車隊卡就顯得更加重要，因為柴油折扣每公升減 $8.0 或以上，而且 ❌ 無任何使用限制。

睇完以上幾種入油即時優惠，大概都了解到車隊卡優惠比較多同直接，但係都有唔少車主因為要用自動轉賬或信用卡而卻步，唔係每次現額結賬，擔心會有隱藏收費或者入錯數情況。為咗解決呢個問題，現時較大型嘅車隊卡公司都設有 💻 網站比會員登入了解每月入油收費情況，例明日期及油站地點，令會員更加 😌 放心使用。

☝️ 最後提一提，車隊卡並不是每一間公司都提供相同折扣，同時亦不能在油站申請。

28CarParts 集合汽車零件知識、Facebook 廣告、Google 廣告及平面設計的網上宣傳平台
一次過做哂網購、曝光、宣傳、收款、發貨、門市交收，邊到搵到？