水箱漏水仲可以繼續揸？

水箱漏水仲可以繼續揸？

你㗎車最近有過熱嗎？

相信唔少車主都可能遇過，就算無試過應該都聽唔少啦。過熱其實係一個汽車常見症状，令你知道冷卻系統可能出現問題，過熱通常係由於冷卻液洩漏而造成的，即係話系統無法有效令引擎冷卻，保持適當的引擎溫度。

過熱會有咩問題？看似過熱唔算係好大問題，但都足以損壞引擎內的某些零件，如果唔理佢繼續揸，可以令成組引擎報銷。所以，車主們一定要檢查同馬上解決！

講返主要問題，到底散熱器 (水箱) 漏水仲可以揸嗎？

如果開緊車，就建議即時停喺安全位置，細心留意一吓情況，到底係快漏定慢滲。如果係慢滲，最好就盡快揸去附近車房檢查 (短程的話)；
如果係快漏，就真係唔建議繼續揸，即刻要搵拖車，因為再勉強行駛，只會對㗎車傷害更大，最壞情況可以係換掉引擎。

所以大家最好養成一個習慣，定期檢查冷卻液液位，睇下需唔需要補加同留意冷卻液會唔會經常流失。

• 1. 散熱器蓋 (水箱蓋) 損壞：散熱器蓋用途是保持冷卻系統內所需的壓力。如果損壞，冷卻液可能會沸騰或者從散熱器中逸出。
• 2. 軟管破損或斷開：呢個情況比較容易察覺，隨著車齡慢慢上升，散熱器軟管就可能會破裂或斷開連接，從而導致冷卻液洩漏，所以好大可能會在車底 (泊車位下) 留下一灘水漬。
• 3. 散熱器腐蝕：腐蝕會損壞散熱器並導致材料變質，這會使冷卻液從金屬變弱的地方洩漏。
• 4. 上水箱 (副水箱) 洩漏：有些位置如上水箱與散熱器相交處 (一些弱壓力點) 可能會穿孔或破裂，亦可能會使冷卻液逸出。
• 5. 冷卻液泵 (水泵) 故障：通常在行車里數高的車輛出現，冷卻液會從水泵內的膠圈邊滲出。

28CarParts 集合汽車零件知識、Facebook 廣告、Google 廣告及平面設計的網上宣傳平台
一次過做哂網購、曝光、宣傳、收款、發貨、門市交收，邊到搵到？