解開 ABS 防鎖死剎車系統之謎

解開 ABS 防鎖死剎車系統之謎

ABS 英文 Antilock Brake System，中文叫做防鎖死剎車系統。而家聽個名看似基本嘢，都已經係標準配置咁滯，但其實有時候，就可能要靠佢救您一命…
相信您應該都有試過猛烈剎車而避免碰撞，無論汽車突然停喺您的面前還是交通燈由綠色好快轉成紅色，喺好多不同情況下，我哋都有機會要突然大力踩 Brake。
一旦猛烈剎車，您就可能會感覺到 Brake Pulse 反應，知唔知 Brake Pulse 其實係由防鎖死剎車系統作用引致的？

ABS 作用 = Brake Pulse，點解？

Lock Brake = 失控跣呔，如果明白呢點就會明白汽車製造商點解要開發 ABS 系統，您可以用最大力度去剎車，亦有最短剎車距離，但偏偏跣呔滑行，直至撞到前車或障礙物，最後都係避免唔到事故。呢種情況喺以前經常發生，所以就有 ABS 系統出現。 ABS 系統就係要喺 Lock Brake 之前，透過 ABS Seneor / Speed Sensor 傳感器去確認車呔到底係減速還是完全鎖死，如果一旦發現鎖死情況，就即時發出信號去製造 Brake Pulse，將鎖死機會減至最低而又同時做到最佳減速效果。

Brake Pulse 其實係咩？

當一連串快速而間歇的制動就可以理解為 Brake Pulse，要唔鎖死 Lock Brake 就要做呢套動作，不過得幾秒時間同情況緊急，有幾多車主可以順利完成呢？所以車廠就設計將呢個任務交俾 ABS 系統負責。Brake Pulse 被想象成增加車輛的剎車距離 (其實還要考慮其他例如輪胎和路面狀況等因素)，因為快速間歇制動，有可能會差過一次完整猛烈制動，但係猛烈剎車就會做成完全失去牽引力而失控。

ABS 系統成為標準配置原因？

要解決最短剎車距離而又唔失控，就係整個 ABS 系統的最主要功能，車廠設置 ABS Sensor 在車輪中去檢測車呔的運動轉速，將數據傳回 ABS 系統計算出最有利造出短距離剎車的 Brake Pulse 信號去制動汽車。完全唔受外來因素同驚慌情緒完成整套 Brake Pulse 動作，交俾系統去做會比人類較為優勝，相信咁樣就明白到 ABS 點解成為現今每輛車必備的配置。

28CarParts 集合汽車零件知識、Facebook 廣告、Google 廣告及平面設計的網上宣傳平台
一次過做哂網購、曝光、宣傳、收款、發貨、門市交收，邊到搵到？