側鏡損毁點樣配零件？

側鏡損毁點樣配零件？

香港人多車多，停車場又出名窄，十分容易 "Hi" 花車身，車身花咗修補吓噴油都可能搞得掂，但係撞斷側鏡又知唔知點樣配零件會慳啲呢？

側鏡主要零件，鏡片、鏡殼及鏡組。

首先要知道 Audi Volkswagen 側鏡最主要分為三件零件，分別為鏡片、鏡殼及鏡組，鏡片就即是玻璃，新款車型多數內藏發熱線，有啲較高級車款甚至有埋防眩光功能，所以原廠鏡片單邊價錢可以由幾百元到兩三千元不等，如果只是鏡片損壞，只要配回損壞的一邊鏡片即可。

原廠鏡殼多數無顏色，要自行噴油。

歐洲車鏡殼多數都係無顏色，只有一層叫做底漆 (Primed) 的塗層，底漆是灰色方便上油用，所以配回來之後，要交由車房代為噴油，近年亦有車款無論車身是白色或藍色等，全都用上黑色鏡殼，如果去到 RS 級數，鏡殼就會用上碳纖物料，價錢就會比以上兩款貴好多。 所以，如果鏡殼只是花了，扣位沒有損壞，可以嘗試叫車房修補再噴油，未必一定要換全新，因為兩者都要經過噴油程序。

壞摺鏡就要睇呢部份嘞！

到最後亦係最貴嘅鏡組，鏡組包括指揮燈，鏡片摩打，照地燈，摺鏡摩打等都包括在鏡組內。所以，如果鏡組損壞後，摺鏡功能不能正常操作，或者連接車身支架斷裂都要成個鏡組去配。希望以上少少資料可以幫到您了解配側鏡時要留意嘅地方，慳回少少金錢去維修自己部坐駕。

28CarParts 集合汽車零件知識、Facebook 廣告、Google 廣告及平面設計的網上宣傳平台
一次過做哂網購、曝光、宣傳、收款、發貨、門市交收，邊到搵到？