迫力皮應該幾時換？

迫力皮剩返 7mm，即係要換未 😟？

🏭 返廠 Check 完車，份 Check 車報告 📋 一般都會見到 ⬅️ 頭、➡️ 尾皮重有幾多 mm 剩，不過有部份新車主可能對於呢個 🔢 數字冇乜概念，究竟即係蝕咗幾多，幾時要換呀咁？
今次我哋 🎨 Designer 整咗張圖比大家參考吓，睇完大家對呢個數字應該會有啲感覺，大約知道重有幾多皮，幾時要更換 🤭。

全新未用嘅迫力皮厚度

車款	頭 (mm)	尾 (mm)
A3 8V 1.4	20.3	16.4
A4 B9 2.0	17.0	17.5
Q7 4M 2.0	16.8	17.0
Tiguan 2 380TSI	20.0	16.4

迫力燈線點解會興起 🌟？

其實以前一啲舊款車，未有 Wear Sensor (迫力燈線) 嘅年代，好多車主係靠 👂🏻 聽聲去判斷係咪要換皮，因為迫力皮最後一層加入咗金屬墊片 (Metal Squealer Tabs)，就如指示器一樣當你剎車時就會聽到「🙉 尖叫聲」，提醒車主差唔多時候要換嘞。不過呢個方法有一樣嘢唔好，如果喺天氣 🌫️ 非常潮濕或 🌧️ 一場大雨之後，泊低一段時間唔揸，用車時都會發出十分相似的「尖叫聲」，♨️ 暖車後就會慢慢消失。

去到而家年代就當然唔洗再靠聽聲啦，大部份新車 Dashboard 都有埋迫力更換指示燈 💡，睇落好似高科技，但係睇落去而你又 👨🏻‍💻 讀過少少電，就知其實只係迫力皮多咗一條電線 (點解又叫燈線)，磨損程度到足以令燈線接觸到迫力碟而去 🔪 中斷或 👉🏻👈🏻 完整的成個電路令到 Dashboard 著燈咁簡單。

舊款車迫力皮金屬墊片

迫力燈線位置

BOSCH 及原廠迫力燈線

✌🏻 二段式迫力燈線又係乜原理？

高階車款可能就會用更先進嘅 Two-Stage / Multi-Stage Wear Sensor，利用兩個或以上電阻器電路，平行 🔧 安裝在傳感器外殼中，當第一個電路斷開時 ✂️，電阻會增加 🆙，同時系統會使用例如車輪速度，行駛里程，制動壓力，制動溫度和制動操作時間等數據 📈，來計算出 🧮 迫力皮還剩下多少壽命。當第二個或最後的電路斷開時，就會觸發警告燈，提示您該進行更換了。

Brembo NAO 及 Low-Met 迫力皮