Audi vs 奧運標誌，細談 Brand Logo 對品牌的重要性！

Audi vs 奧運標誌，細談 Brand Logo 對品牌的重要性！

今日同大家講吓標誌 Logo，喺 Marketing 世界入面，Logo 其實係一個好專門嘅學問，在於點樣可以令人第一眼就知你做緊咩生意，顏色、設計亦會反映品牌誕生嘅含意同願景。其實講得白啲，就係點樣喺一個簡單嘅圖案上表達咁多深層次嘅意思。

好嘅 Logo 設計可以促進業務發展並建立品牌形象。

Logo 嘅目的係直接展示公司品牌，所以設計應該要獨特、具有高影響力、醒目並令人留下難忘嘅印象，例如令人記得公司名或公司提供嘅產品同服務。

拉到咁遠，又係時候講返車，今次為大家探討吓 Audi 個 Logo 係點嚟，從而講吓 Logo 背後有咩啟示。

追溯到 19 世紀，Audi 品牌係集 4 家德國車廠嘅大成。

Audi 呢個品牌嘅全名係德國奧迪公司，眾所週知係製造汽車同埋電單車嘅公司，佢嘅歷史可以追溯到 19 世紀－最初設立喺薩克森州嘅四間汽車公司：
📌 茨維考市（Zwickau）╴奧迪（Audi）及霍希（Horch）汽車公司
📌 凱姆尼茲西格瑪市（Chemnitz Siegmar）╴漫遊者（Wanderer）汽車公司
📌 喬保市（Zschopau）╴DKW 汽車公司

4 間公司對當時德國汽車工業做出傑出貢獻，佢哋喺 1932 年合併為汽車聯盟股份公司（Auto Union AG，以下簡稱汽車聯盟）。從汽車產量嚟計，汽車聯盟係當時德國第二大嘅汽車製造公司，Logo 就係呢個時候改為四個連接嘅圓環，正正就係代表參與合併嘅 4 間汽車公司。世界上首次出現了 4 環 Logo，所以同奧運係無關係㗎。

Logo 就好似係一間公司嘅臉部，大致上可以分為 3 個類別：
➡️ 文字 Logo：好似 Fedex 同 Google，甚至公司創辦人簽名
➡️ 圖片 Logo：比較明顯，例如 🍎 蘋果、箭靶、雞記叔叔等
➡️ 抽象圖形 Logo：抽象多變，你可以選擇你想要嘅圖形，就好似 Nike 咁，一個 ✔️ Tick 可以代表好多意思

簡單去講 Logo 本身只係一個文字或圖案，本身自己係無任何意思，係視乎想附予咩嘅意思上去，希望人哋睇到 Logo 時想諗起啲乜野。

今次講嘅 Audi 就係抽象圖形嘅例子，其實一開始設計出嚟只係 4 個環連埋一齊，但一個 Logo 嘅成功並非單單因為 Logo 自己嘅設計，而係配合住品牌旗下嘅產品。

Audi Logo 帶出含意：Audi 嘅 Logo 表面係代表幾間公司合併，實則係代表緊佢哋研發嘅汽車係綜合咗 4 間公司嘅歷代科技，加上集合而成嘅技術而組成；而 Audi 更巧妙咁將 Logo 同旗下房車連埋一齊，將 4 圈聯合、歷久不衰嘅 Logo 意味配合時尚高科技嘅車型上，經歷時間嘅洗禮，Logo 就變咗永恆嘅經典。

所以坦白咁講，一個 Logo 非常重要，但並非一開始就咁重要，Logo 本身只係一個空殼，需要將意義倒入名為 Logo 嘅容器入面，而價值就在於當人望到佢時心中賦予佢嘅意思及感受，要比喻的話，Logo 唔係一場短期嘅跳水比賽，而係一場鬥耐力嘅 1500M 長途戰，係需要時間沉澱而得出嘅 Marketing 成果，下回再同大家講 Logo 嘅進化史－Logo System。🔚

28CarParts 集合汽車零件知識、Facebook 廣告、Google 廣告及平面設計的網上宣傳平台
一次過做哂網購、曝光、宣傳、收款、發貨、門市交收，邊到搵到？